Brúðkaup og fimmtugsafmæli

Þetta er búin að vera rosalega fín helgi - fór austur á Kirkjubæjarklaustur með allri fjölskyldunni þar sem Bubbi og Halldóra pússuðu sig saman á Prestbakka og Bubbi hélt upp á fimmtugsafmæli sitt á sama tíma. Við byrjuðum á því á laugardagsmorguninn eftir morgunmat að skella okkur í réttir sem voru í gangi akkúrat þessa helgi. Þar fóru krakkarnir og hlupu á eftir rollunum og við hin fylgdumst með. Ég fékk nú nett komment á mig fyrir að vera nettur "city slikker" og var aðeins fíflast með það að maður þyrfti nú að slökkva á farsímanum til að fæla ekki rollurnar... ég hafði nú bara rosalega gaman af þessu og held að það búi nú nettur sveitamaður í manni innst inni... Síðan var brunað upp á hótel og ég greiddi brúðinni og Esther frænka málaði hana og var hún alveg glimrandi falleg brúður. Athöfin var mjög vel heppnuð og kirkjan alveg sérstaklega falleg - svona gömul sveitakirkja í fallegu umhverfi. Þá var haldið upp á hótel þar sem var fordrykkur og kvöldverður. Veislan var mjög skemmtileg og er fjölskyldan hennar Halldóru mikið fyrir það að syngja og var mikið sungið. Síðan var réttarball í félagsheimilinu og við yngri deildin skelltum okkur á það - mikið tjúttað og dansað.
Svo var bara brunað í bæinn í dag... get ekki neitað því að maður er pínu lúinn eftir svona keyrslu... en algjörlega þess virði ;)

Sumarið flýgur...

Þá er verslunarmannahelgin búin og þá má nánast segja að blessað "sumarið" sé að verða búið... Helgin var mjög fín - fór með Atlanta krökkunum út að borða á Austur Indíafjelagið á föstudagskvöldinu og fórum svo að tjútta á Oliver... fór svo í matarboð á laugardagskvöldinu... sem sagt ljúf og góð helgi... Svo var það bara flug- flaug einmitt með Rannveigu vinkonu heim frá London á þriðjudaginn.. Er núna byrjuð í vinnunni í skólanum sem byrjaði á tölvunámskeiði... ákvað að tríta mig í gær eftir námskeiðið að fara í nudd og skellti mér á línuskauta niður við sjó - rosalega ljúft að renna sér meðfram sjónum við Sæbrautina í góðu veðri :) Er svo að fara til Köben á morgun eftir námskeiðið - er nú að vona að það verði ekki mikið um seinkanir... má sennilega bara ánægð að vera ekki að fara til London þessa dagana...

Flott mynd

Sól í Reykjavík :)

Loksins, loksins... kom hún og lét sjá sig... sólin :) Var farin að halda að það væri bara október/nóvember en ekki mitt sumar... en þá kom að því að hún sannaði það að það væri víst sumar enn... Fór um daginn til Boston - ferlega skemmtileg borg og hefði alveg verið til í að vera þar lengur. Þarna eru góðir veitingastaðir, sjarmerandi götur með flottum búðum með vörum sem eru ekki svona fjöldaframleiddar og ég gat alveg dottið ofan í alls konar flottar bækur og heimilisvörur... keypti svona eitthvað en hefði alveg getað spreðað meira haha... getur maður það ekki alltaf ;)
Er svo bara búin að vera að fljúga og vera á stand by inn á milli - og hitt famið inn á milli á sólríkum dögum... Litli Breki frændi algjört yndi - læt fylgja hérna mynd af honum og mömmu þar sem hún kom í bæinn um daginn og aðra þar sem hann var að kyssa alla bílana sína út í garði.

Footloose og HM

Ansi var nú ljúft að fá loksins helgarfrí - var reyndar að fljúga á föstudaginn en var í fríi laugardag og sunnudag. Fór á Footloose með Þóru og Gunna í Borgarleikhúsið á laugardaginn og var það fín skemmtun - flott dansatriði... krakkar úr Íslenska dansflokknum í sýningunni sem voru mjög flott... söngurinn líka góður en leikurinn kannski ekki upp á marga fiska... en þegar að um svona sýningu er að ræða þá er bara nóg að söngurinn og dansinn sé góður...
Fór svo í gær í Grímsnesið þar sem ég fór á Calmonstaði - sumarbústaðinn sem fjölskyldan hennar Ellenar vinkonu á - hún á franskan pabba sem mætti á staðinn með sinn lúður og setti franska fánann upp í tilefni úrslitaleiksins á HM - Frakkland vs. Ítalía - kannski ekki alveg besti staðurinn til að halda með Ítölum haha... En þetta var alveg þrusuleikur og frábær skemmtun - veit nú ekki alveg hvað hann Zidane var að spá... vantaði bara horn og hala á hann... alveg sama hvað Materazzi hefur sagt við hann - afsakar ekkert svona hegðun... Nýbúið að ná mynd af honum reykjandi fyrir leik og hann er í auglýsingum í heimalandinu til forvarna reykingum og svo þetta til að enda ferilinn ömurlega...

Námskeið búið og flug framundan...

Er ekki búin að eiga mikið líf upp á síðkastið... byrjði á námskeiði hjá Flugleiðum á mánudeginum 19.júní og svo var bara stíft plan alveg þangað til í gær en þá var lokaprófið... við sem sagt sátum 10 daga námskeið en tókum sama próf og þeir sem sitja í 7 vikur þannig að þetta var ansi mikið sem maður var að inntaka á stuttum tíma... en það er útskrift á eftir og svo bara fyrsta flugið í fyrramálið :)

Svo var Barbara að útskrifast úr Kennaraháskólanum sl. laugardag og var með rosalega skemmtilega garden útskriftarveislu um kvöldið. ´

Þannig að á næstunni eru það bara flug - er með tvö Ameríkuflug á skeddanum - eitt til Boston og annað til Minnepolis... vona að ég fái nú San Fransisco í næsta skedda... langar svo þangað...
en núna um helgina er það Köben, London og Berlín eftir helgi...

Viðburðarrík helgi...

Þetta var nú meiri helgin... byrjaði á þrítugsafmæli Draupnis á föstudagskvöldið - var í sal á Laufásveginum... Ótrúlega skemmtileg veisla og mikið af Atlanta krökkum sem kunna vel að skemmta sér... Haldið var svo í fjólublárri skrúðgöngu niður á Rex þar sem dansað var frameftir nóttu...
Á laugardaginn var svo stóri dagurinn hjá Hröbbu og Mika - brúðkaupsdagurinn... athöfin fór fram í Hallgrímskirkju - mjög falleg athöfn sem endaði á mjög fönkaðari útgáfu af Lovely Day... alveg í þeirra anda. Síðan var haldið á Iðnó þar sem veislan fór fram - veislugestir voru af ýmsum þjóðernum (13 talsins) og var sætisskipun blönduð þannig að maður þekkti ekki þá sem sátu næstir manni en það var bara til þess að allir kynntust... myndaðist alveg frábær stemming og Svíarnir sem voru þarna í meirihluta voru alveg þrælskemmtilegir :) Hrabba var alveg ótrúlega falleg brúður eins og búast mátti við og þau hjónin fallegt par... Síðan fór allur vinahópurinn að tjútta saman á Rex... sumir fóru fyrr en aðrir þó ;)
Langt síðan að maður hefur upplifað svona viðburðarríka helgi... ekki slæmt að sumarið byrji svona :)